نريد تحرير بقية ارضنا
ايه الاخبار الغم دى….. هى المشرحة ناقصة قُتلا….؛خير اللهم اجعله خير دخلت على موقع قناة العربية ولقيت الخبر دة( وانا كنت بافتخر سابقاً ان احنا الوحيدين من العرب اللى حررنا ارضنا بالكامل ولبنان مين ولا سوريا ايه داحنا الجامدين أااوى أوى؛دلوقتى بقيت:لاتعايرنى ولا اعايرك الهم طايلنى و طايلك).الخبر ان قرية أم الرشراش "الشهيرة بميناء ايلات"مصرية وان مصر تركتها لإسرائيل لكى يكون لها منفذ على البحر الاحمر….!!!!!!!!!!!!!!!!!!.
المفروض الحقيقة الوضحة تظهر لنا كافراد هذا الشعب لكى نتصرف على اساس وضح ولا تتصرف الحكومة كأنها الوصى على الشعب ومش عايزة تعرفه حاجة حرصاً على مشاعره.المفروض أن اذا كانت هذه الارض مصريةنتخذ كافة الوسائل لاسرتجاعها…كافة الوسائل والمفروض الاخوة المحترمين فى المجلس يتكلموا (المرة دى بحق وحقيقى ) ويقدموا بيان عاجل لاستيضاح الحقائق فى هذه المعلومة الخطيرة. زى ما قلبوا الدنيا من كام يوم علشان شوية عيال من بتوع الاخوان كانوا بيعملوا شوية تصرفات غبية
wael
December 20, 2006 at 1:05 pm
بص يا بني …. او يا بنتي …. المشكله في الموضوع ده ان هو مفيش اساسا مجلس شعب لانه دستوريا هو ملغي لان النصاب القانوني لسيادته غير دستوري من اساسه ….ليه ؟؟؟؟؟
لان القضاء حكم ببطلان الانتخابات في كذا دايره ….تفتكر ليه ….علشان التزوير ….يبقي الخلاصه ان مفيش مجلس … و علي راي الاستاذ يوسف بيه
ما الدنيا الا مسرح كبير يا …..خالتي
و سلملي علي الديموقراطيه
Ahmed
December 20, 2006 at 3:34 pm
الاخ العزيز fraiser
شكراً على ردك الكريم. هو فى الحقيقة حضرتك هتقولى يابنى او يا صديقى. فيما يخص ماذَكَرته عن بطلان مجلس الشعب فالحقيقة واضحة ايها الصديق والامر أسوأ مما يمكن إخفاءه. ولكن ما لايدرك كله لا يترك كله.، وسواء شئنا أم أبينا فقرارات "هذا المجلس" يتم سريانها علينا.، وعلينا التعامل مع هذا الواقع كخطوة أولى للإقلال من الخسائر التى يخسرها الشعب المصرى.على سبيل المثال :ما يحدث الآن من محاولة محاسبة للضباط الذين اعتدوا جنسياً على السائق عماد الكبير. الاصل فى محاولة مساعدته كانت مدونة دماغ ماك و بعدها جريدة الوعى المصرى. ومع انتشار الخبر تلقفته جريدة الفجر ونشرته على نطاق واسع. وتتم الآن محاولة محاسبة الضابط ومن كان معه من قِبل الاجهزة المعنية.هذه الاجهزة تتبع الادارة الحاكمة الحالية وهذه الادارة هى نفسها التى تسببت فى تزوير و بطلان الإنخابات فى عدة دوائر.إذاً( ومعذرة للإطالة) يمكن ان تكون هناك محاولة للإصلاح تقلل من الخسائر. وأعتقد أنه بدلاً من أن نلعن الظلام علينا أن نوقد شمعة(أو نحاول أن نوقدها).
ماشى يا مَعلََمة فل عليك وعلى…..الديموقراطية وسلملى على المترو كمان